| Hamsun-laget i Lom Knut Hamsunlaget vart stifta i 1997, og har i dag ca. 50 betalande
medlemmar, samt 3 æresmedlemmar. Leif Hamsun er nestleiar i laget.
Ordførar i Lom Simen Bjørgen, Jan
Folke Sannes (ordførar Hamarøy) og Ola Veigaard (leiar Hamsunselskapet avd. Grimstad)
signerer intensjonsavtala om samarbeid mellom Hansunkommunane.
I vedtektene står det at laget har som formål å
- Forvalte eigedom og ting, brev, skrifter, bøker, minne og anna som har tilknyting til
Knut Hamsun "Knut Pedersen Garmotrædet" og hans nære eller fjerne familie,
fødestad og oppvekstmiljø i Lom.
- Drive innsamling, utstilling, formidling, opplysning og omvisning.
- Fremje interesse for Knut Hamsun og diktinga hans.Styret organiserer møter med faglege
innslag for medlemmar og andre, og har eigne arrangement i samband med Diktardagar i Lom.
Styret planlegg å utvikle Hamsunstugu og området rundt denne til eit lite
"Hamsuniana". Her er det tenkt plass for utstilling, bibliotek, eit par
arbeidsplassar for studentar/forskarar som ynskjer å studere Hamsuns tilknyting til Lom
og resten av Ottadalen. I tillegg kontor, lager og eit lite sanitæranlegg for omvisarar
og gjestar. Styret arbeider for å bli ei avdeling av det nasjonale Hamsunselskapet.
Vinteren 2005 tok styreleiar
initiativ for å få med Lom kommune og Knut Hamsunlaget i Lom i planlegginga av 150 års
jubileet for Knut Hamsun sin fødsel, og vi var med fram til januar 2007 da det vart
nedsett ein nasjonal koordineringskomité under leiing av Nasjonalbiblioteket.
Årsmøte i Kvila laurdag 17.04.2010 kl. 13.30
Etter årsmøtet oppsumerar vi jubileumsåret og vise
bilder frå turen til Kina. Musikk, servering og utlodding.
|
