hamsuniana

Åpent 27.juni - 08.august
kvar dag frå kl. 13.00 - kl. 17.00.
Informasjon/bestilling:
90738489 61212547

Hamsuniana

Byggeplaner og tegninger for Hamsuniana.

Oppriss

Hamsuniana

Det blir truleg for knapp tid til å realisere Hamsuniana til 150-års jubileet. Vi tek sikte på å få gjort ferdig gangstigar, steinmuren og få planta ved bautaen og Hamsunstugu slik at det ser pent og ryddig ut til jubileet. Så få vi eventuelt legge ned grunnsteinen den 4. august 2009 og satse på å ha bygget på plass året etter. Lom kommune har gjeve eit tilsagn på kr. 1 000 000.- til prosjektet, og sist veke fekk vi kr. 500 000.- frå Norsk Kulturarv og kr. 50 000.-frå forlag 1. Vi reknar med å ha resten på plass i løpet av eit halvtårs tid. Knut Hamsun-laget i Lom er svært glade og takksame for alle hjelp så langt.
Den 13. oktober inviterer vi til ope møte om Hamsuniana. Spesielt ynskjer vi at folk i grenda skal bli informerte og få høve til å kome med sine synspunkt og innspel til kva Hamsuniana kan bli for Garmo.

Fasade mot vest

HAMSUNIANA

Nå ser det endeleg ut til at vi skal klare å realisere prosjektet som Tore Hamsun og venene Hans og Christiane Undset Svarstad planla da dei arbeidde med å restaurere Hamsunstugu for 50 år sidan. Arkitekt Torbjørn Fjeldstad har laga fleire utkast til bygget. I vinter kom han med nye planar som styret fann svært interessante, og vi bestemde oss for at nåmå planane realiserast. Torbjørn er godt kjent både med Garmostrædet, Hamsunstugu og Knut Hamsuns liv og forfattarskap. Han er jamvel i slekt med Nobelprisvinnaren i litteratur som tro sine barnesko på Træet før han flytta til Hamarøy. Torbjørn har vist stor respekt for, og teke omsyn til, kulturlandskapet, dei freda gardstuna, Hamsunstugu og minnesteinen da han utforma Hamsuniana. Publikumsarealet skal kunna brukast til mindre seminar, intimkonsertar, utstillingar og møte. Det blir plass til boksamlinga vår, og tillegg får vi plass til lager, kontorplass og minikjøken. Og sist, men ikkje minst, får vi toalett både for besøkjande og tilsette.
Vi planlegg å opne huset 4.august 2009. Da er 150 år sidan Knut Hamsun vart født.
Det gledelege er at Lom kommune har vedteke å gje oss eit tilskot på 1 million kroner til delfinansiering av Hamsuniana. Prosjektet, inklusiv inventar, utstilling med meir vil koste ca. 3,5 millionar kroner. Derfor treng vi meir pengar.
Har du lyst til å hjelpe oss med å finansiere prosjektet, er du hjarteleg velkomen til å vera med! Ta kontakt med styreleiar Torunn Kjøk, tlf. 0047 90738489
eller e-post tkjok@online.no Planane og framdrift blir presentert på www.hamsunlaget.no

ansiktstatue.gif (12022 bytes)
Knut Hamsun-laget i Lom
Knut Hamsuns fødested

Åpent 22.juni - 10.august
kvar dag frå kl. 13.00 - kl. 18.00.
Informasjon/bestilling:
61212420 61212738
90738489 61212547

Norsk Kulturråd

forlag 1